' A Bionda Avvelenata - poesia di PUPELLA MAGGIO

 L'ha scritta Pupella Maggio , ma potrei averla scritta io per tutte le volte che mi sono detto " smetto di fumare "

'A bionda avvelenata

'A sigaretta me fa male ‘o saccio

Ma c’aggia fa si sulo a essa tengo!

Ll’appiccio, ‘a stuto, ‘a jetto, po’ ‘a scamazzo

E dico: “Sarrai ll’urdema ca fummo”.

Ma po’ mme vene ‘na malinconia

Io tengo tutto e dico: “che me manca?”

Salute, quacche sordo, grazie a Dio,

ma allora che me manca, che me manca?

E’ essa, ‘a bionda, ‘a bionda… avvelenata

E corro e ‘a cerco e appiccio n’ata vota

E n’ata vota è essa c’ha vinciuto

È sempe a stessa, comme ‘a ggire e ‘a vuote

Comme ll’a vuote e ‘a ggire è sempe ‘a stessa

fummo che passa e cennere che resta.

GP.A