Penziere Mieje , EDUARDO DE FILIPPO

 Nel giorno del mio compleanno sono sempre tanti 'e penziere  ... 

PENZIERE MIEJE , Eduardo De Filippo 

Penziere mieje, levàteve sti panne, 
stracciàtev' 'a cammisa, e ascite annuro. 
Si nun tenite n'abito sicuro, 
tanta vestite che n'avit' 'a fa? 
Menàteve spugliate mmiez' 'a via, 
e si facite folla, cammenate. 
Si sentite strillà, nun ve fermate: 
nu penziero spugliato 'a folla fa. 
Currite ncopp' 'a cimma 'e na muntagna, 
e quanno 'e piede se sò cunzumate: 
un'ànema e curaggio, e ve menate... 
nzerrano ll'uocchie, primm' 'e ve menà! 
Ca ve trovano annuro? Nun fa niente. 
Ce sta sempe nu tizio canusciuto, 
ca nun 'o ddice... ca rimmane muto... 
e ca ve veste, primm' 'e v'atterrà.