Pianefforte ‘E Notte di Salvatore Di Giacomo

Un grande classico della poesia napoletana e non : "Pianefforte ‘E Notte " di Salvatore Di Giacomo

"Nu pianefforte ‘e notte

sona luntanamente,

e ‘a museca se sente

pe ll’aria suspirà.

È ll’una: dorme ‘o vico

ncopp’a sta nonna nonna

‘e nu mutivo antico

‘e tanto tiempo fa.

Dio, quanta stelle ‘n cielo!

Che luna! E c’aria doce!

Quanto na bella voce

vurria sentì cantà!

Ma sulitario e lento

more ‘o mutivo antico;

se fa cchiù cupo ‘o vico

dint’a ll’oscurità.

L' anema mia surtanto

rummane a sta fenesta.

Aspetta ancora. E resta,

ncantannese, a pensà."